بعد الإخلال بشروط العقد.. أحمد السعدني: «أكمل ولا أعد في بيتنا»
نشر الفنان أحمد السعدني، تدوينة على صفحته الشخصية عبر موقع التواصل الاجتماعي “فيس بوك”، يعبر فيها عن غضبه عما حدث معه من شركة الإنتاج خلال تصوير المسلسل الجديد. وقال السعدني: “الحقيقة انا عمري ما عملت مشكلة في شغلي و عمري ما اختلفت مع زمايلي انما انا اللي بيحصل معايا في المسلسل اللي شغال فيه ٢٤ ساعه مبروحش بيتنا عشان يلحق العرض و الواحد ساكت و بيعدي بلاوي عشان الزنقة و الظروف.. انا متربي في ستوديوهات كبرنا انا و اللي زيي اللي كان بيتقال عليهم أبناء الفنانين كانها شتيمة”. وتابع:” احترام مهنتنا مواعيدنا ومذاكرتنا وتحضيرنا للشغل احترامنا للكلمه قبل العقد.. للاسف شركة الانتاج ملتزمتش معايا باتفاقهم اللي علي اساسه وافقت اشتغل و كان شرط اساسي لقبولي الشغل معاهم.. والحقيقه أول مره اشوف تصميم دعايه عمل فني من افيشات و برومو بتعمله زميله في العمل طول عمري كنت فاكرها من اختصاص شركة الإنتاج.. الحقيقه انا ضهري في الحيط اكمل واقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب و الا اقعد في بيتنا واكتفي باللي صورته و اطلب من النقابه تجيبلي حقوقي المادية.. و في كل الاحوال انا بعتذر لاي شخص بيحبني عن تواجدي في هذا العمل لان الحقيقة اللي بيحصل ده مهزله”. يذكر أن أحمد السعدني يقوم حاليا بتصوير مسلسل «كله بالحب» ومن المقرر عرضه في الموسم الرمضاني المقبل، مع الفنانة زينة.
مصادر
عدل- «بعد الإخلال بشروط العقد.. أحمد السعدني: «أكمل ولا أعد في بيتنا»». موقع جسور. 1 ابريل 2021.